Vínarbrauð í 400g umbúðum frá Kexsmiðjunni
Njóttu haustlitanna og möguleikanna sem haustið býður uppá. Það er tilvalið að stinga Vínarbrauði frá Kexsmiðjunni í bakpokann áður en lagt er af stað.

Laufið fellur af trjánum og það er orðið svalara. Við höfum reyndar átt óvenjulega mikilli veðurblíðu að fagna þetta haustið og því hafa verið næg tækifæri til að kveðja sumarið 2010 með virktum í gönguferðum og útileikjum.

Nú er farið að skína í berar greinarnar hér og þar og aðeins vika í fyrsta vetrardag. Veðurspár gera enda ráð fyrir að hitastigið fari lækkandi eftir helgi og því full ástæða til að nýta síðustu hausthelgina í skemmtilega samveru í íslensku náttúrunni.


Þeir sem búa í bæjum og borgum eiga það til að gleyma hversu stutt er í "sveitina", en það þarf oft ekki að fara nema örstutta leið til að fá náttúruna beint í æð.

Í nágrenni Reykjavíkur má nefna staði eins Mosfellsdalinn, Esjuna, Þingvelli og Viðey. Akureyringar geta skellt sér í Kjarnaskóg eða Vaglaskóg til að komast í burtu frá erlinum. Um allt land eru náttúruperlur sem heimamenn heimsækja allt of sjaldan.

Eftir að áfangastaðurinn hefur verið ákveðinn og útifötin klár, á bara eftir að taka saman nestið. Hafrakex frá Kexsmiðjunni með osti og smjöri, poki af kanilsnúðum og gamaldags Kexsmiðjuvínarbrauð með kaffinu. Drykkjarföng fyrir alla, stóra sem smáa, og þá er ekkert að vanbúnaði. Njótum síðustu haustdaganna saman úti í náttúrunni með eitthvað gotterí frá Kexsmiðjunni í bakpokanum.

Deila |